Meksika triumfon me rezultatin 2-0 ndaj Afrikës së Jugut në ndeshjen hapëse të Botërorit, duke entuziazmuar mbi 70 mijë tifozët e pranishëm në mitikun Azteka.
Vendasit nuk e vunë në diskutim fitoren përballë një kundërshtari më të dobët dhe që e mbylli takimin me 2 lojtarë më pak. Për Meksikën realizoi që në minutën e 9-të Quinones, ndërsa golin e sigurojë e firmosi Jimenez në pjesën e dytë.
Gola
Shënohet goli i parë në Botëror: pas vetëm 8 minutash e gjysmë, çahet Afrika e Jugut, Julian Quiñones përfiton nga një gabim i rëndë i kundërshtarit në hyrje të zonës, merr topin në kufijtë e 16-metërshit dhe e godet fuqishëm, duke e dërguar në rrjetë. Meksika kalon në avantazh 1–0 shumë herët në ndeshje.
Meksika ka dyfishuar rezultatin në minutën e 67-të, ndërsa Afrika e Jugut është ndëshkuar edhe me karton të kuq gjatë pjesës së dytë.
Në minutën e 49-të, Yaya Sithole u ndëshkua me karton të kuq pas një ndërhyrjeje të ashpër ndaj kundërshtarit, duke lënë skuadrën e tij me 10 lojtarë.
Më pas, në minutën e 67-të, erdhi goli i dytë për Meksikën. Roberto Alvarado dha një krosim të shkëlqyer nga krahu, ndërsa Raúl Jiménez u ngrit më së miri në zonë dhe me një goditje me kokë e dërgoi topin në cepin e poshtëm të majtë të portës për 2–0.
Meksika po kontrollon plotësisht ndeshjen, ndërsa Afrika e Jugut po vuan pas kartonit të kuq dhe presionit të vazhdueshëm të vendasve.
Një tjetër karton i kuq për lojtarët e Afrikës së Jugut, që detyrohet ta mbyllë ndeshjen me 9 lojtarë.
Edhe Meksika e mbyll me një lojtar më pak, pas ndëshkimit të Montes me karton të kuq.
