Lidhur me mundësinë e dërgimit të trupave të Kosovës në Gaza, për RTV21 është deklaruar Bekim Kupina këshilltar për media i Presidentes Vjosa Osmanit.
Ai ka treguar se aktualisht ekziston vetëm një zotim politik për këtë çështje, sipas tij, zotimi është dhënë bazuar në rekomandimin e FSK-së (Forcës së Sigurisë së Kosovës).
Megjithatë, ai theksoi se marrëveshja lidhur me kontributin specifik do të negociohet ndërkohë dhe më pas do të dërgohet për miratim në Kuvendin e Kosovës, ashtu siç parashihet me procedurat ligjore në fuqi.
