Ka nis edicioni i tretë i Festivalit Ballkanik i Teatrit KU-Fest në Shtëpinë e Kulturës në
Kumanovë.
Hapja e festivalit u bë me shfaqjen “Rinoqerontët”, me regji të Vasil Vasilev nga Teatri Shqiptar Shkup.
Mbrëmja u përmbyll me muzikë nga Nezafete Shala dhe Melodia e Vjetër.
Derisa sonte, më 1 shtator, festivali vazhdon me shfaqjen „Vetmi në perëndim“ të Martin McDonagh, në produksion të S.H.E. Kulturës – Abdulla Krashnica dhe Teatrit të Qytetit – Preshevë, me regji të Afeida Boriqit.
Edhe përgjatë pesë ditëve, publiku do të ketë mundësi të ndjekë shfaqje teatrale nga katër shtete pjesëmarrëse: Maqedonia e Veriut, Kosova, Bullgaria dhe Serbia.
Festivali synon të krijojë një hapësirë të përbashkët për artistët e skenës, shkëmbimin kulturor dhe promovimin e teatrit bashkëkohor në rajon.
