Ulqin, Mali i Zi — Ulqini përjetoi një fillim të hershëm të sezonit veror këtë maj, me ditë të ngrohta dhe me diell që sollën gjallëri në plazhe dhe shënuan një nisje të pazakontë të sezonit turistik.
Në këtë kontekst dinamik, Hotel Mediteran – “Villa Edition”, një investim i Becovic Management Group (Chicago, SHBA), po shfaqet si një nga zhvillimet më të sukseshme në sektorin e mikpritjes, duke kontribuar në rritjen e profilit ndërkombëtar të Ulqinit si destinacion turistik premium.
Hoteli ofron dy pishina, dhoma premium me ballkone private dhe një ekip shërbimi të dedikuar ndaj përvojës së mysafirëve.
Një veçori e veçantë e hotelit është infrastruktura e parkimit, e cila përfshin stacion karikimi për automjete elektrike (EV) për deri në katër makina, aktualisht i vetmi shërbim i këtij lloji i ofruar nga një hotel në zonë.
Ndërsa sezoni veror po zhvillohet, vëmendja në Ulqin po zhvendoset gradualisht drejt muajit qershor, kur pritet të hapet një koncept i ri restoranti brenda këtij kompleksi hoteljer. Hapësira, e cila tashmë ka ngjallur interes të madh te vizitorët, karakterizohet nga një dizajn modern me fasada të mëdha prej xhami dhe pritet të shndërrohet në një nga pikat kryesore të jetës sociale gjatë verës. Hapja e ardhshme e restorantit nën emrin KALO pritet të pasurojë më tej ofertën e mikpritjes dhe gastronomise në Ulqin.
