Ish-ambasadori i Shteteve të Bashkuara të Amerikes në Kosovë, Jeffrey Hovenier, ka vlerësuar se Kosova – 18 vjet pas pavarësisë – duhet të përqendrohet në tri prioritete kryesore në vitet që vijnë: integrimin euroatlantik, zhvillimin ekonomik dhe forcimin e institucioneve demokratike.
Hovenier e vendos në plan të parë integrimin nê strukturat evropiane dhe euroatlantike. Ai konsideron se Kosova ka bërë pqrparim të dukshëm, por thekson se rruga përpara kërkon përpjekje të vazhdueshme dhe veprime të besueshme.
Sipas tij, anëtarësimi në Këshilli i Evropës, si dhe përparimi drejt Bashkimi Evropian dhe NATO, varen nga gatishmëria e partnerëve ndërkombëtarë për të mbështetur Kosovën.
Por, ai shton se këta partnerë duhet të shohin angazhim serioz dhe të përgjegjshëm nga ana e institucioneve të Kosovës, perfshirë përmbushjen e obligimeve të marra në kuadër të dialogut për normalizimin e marrëdhënieve me Serbinë, të ndërmjetësuar nga BE-ja.
Si prioritet të dytë, Hovenier përmend rritjen ekonomike dhe zhvillimin. Ai thekson se stabiliteti dhe suksesi afatgjatë i Kosovës lidhen drejtpërdrejt me ndërtimin e një ekonomie që krijon mirëqenie dhe mundësi reale për qytetarët. Edhe pse pranon se ka pasur progres, ai vlerëson se kjo nuk është e mjaftueshme.
Sipas tij, Kosova duhet të bejë më shumë për tërheqjen e investimeve të huaja dhe për krijimin e kushteve që sektori privat te jetë konkurrues në tregun global.
“Një fokus i shtuar në rritjen dhe zhvillimin ekonomik rajonal, si dhe politika qeveritare që u përgjigjen kërkesave legjitime të komunitetit të biznesit, do të kontribuonin në këtë progres të nevojshëm”, thotë ish-ambasadori amerikan për rel.
Prioriteti i tretë, sipas Hovenierit, është konsolidimi i institucioneve demokratike dhe qeverisja efektive.
Ai shprehet se Kosova nuk ka përfituar nga periudha gati njëvjeçare e qeverisjes së përkohshme dhe se gjatë kësaj kohe janë humbur disa mundësi për avancim
